Жалпы ережелер

Осы Пайдаланушылық келісім (бұдан әрі – Келісім) жария оферта болып табылады және Интернет желісінде www.sportmaster.kz адресі бойынша сайтта (бұдан әрі – Сайт) орналастырылған материалдар мен сервистерді Пайдаланушылардың пайдалану шарттарын анықтайды. Сайт «Спортмастер Казахстан» ЖШС меншігі болып табылады (БСН 110440015004) және әлеуетті сатып алушыны «Спортмастер Казахстан» ЖШС-мен, өнім ассортиментімен таныстыру, тұтынушылардың онда сатып алуға болатын тауарларға сұранысын арттыру мақсатында құрылған.

Осы Келісім «Спортмастер Казахстан» ЖШС (БСН 110440015004) пайдаланушы «Спортмастер Казахстан» ЖШС сайтын, сервистерін, қызметтерін, бағдарламалары мен өнімдерін (бұдан әрі – Сервистер) пайдаланған кезде пайдаланушы туралы ала алатын барлық ақпаратқа қатысты қолданылады. Қазіргі уақытта қолданыстағы барлық сервистер, сондай-ақ оларды дамыту және/немесе жаңаларын қосу осы Келісімнің мәні болып табылады.

2. Осы Келісімде пайдаланылатын терминдер мен ұғымдар:

  • Сайт - Интернетте www.sportmaster.kz адресі бойынша орналасқан және «Спортмастер Казахстан» ЖШС-нің меншігі болып табылатын ресурс. Сайт – авторлық құқық, тауар белгісі немесе қызмет көрсету белгісі объектілері болып табылатын немесе «Спортмастер Казахстан» ЖШС мен Сайт Пайдаланушыларының бірдей немесе сабақтас басқа құқықтарының күші жүретін файлдардан, ақпараттан, бағдарламалық жасақтамадан, иллюстрациялардан, фотосуреттер мен ұқсас файлдардан тұруы мүмкін немесе тікелей солардан тұратын ресурс.

  • «Спортмастер Казахстан» ЖШС - ҚР заңнамасына сәйкес құрылған, өз қызметін, соның ішінде www.sportmaster.kz Интернет-ресурсы (Интернет-дүкені) арқылы жүзеге асыратын заңды тұлға.

  • Интернет-дүкен - Спортмастер Казахстан» ЖШС атынан Тауарлар сатуға арналған www.sportmaster.kz Сайтында орналасқан алаң.

  • Шарт - «Спортмастер Казахстан» ЖШС мен Пайдаланушы арасындағы Тауарды сатып алу жөніндегі келісім.

  • Сайт сервистері -www.sportmaster.kz Сайтында пайдалануға қолжетімді барлық қызметтер. Дербес ақпарат – Пайдаланушының тіркелу (есептік жазбаны құру) кезінде, Сайтта Тапсырысты ресімдеу кезінде немесе Сервистерді пайдалану барысында өзі туралы беретін, дербес деректерін қоса алғандағы, бірақ онымен шектелмейтін ақпарат.

  • Жеке кеңістік - Сайттағы Интернет-дүкен каталогынан тауар сатып алуға, сондай-ақ Сайттың жекелендірілген сервистерін пайдалануға арналған пайдаланушы құралдарының жинағы бар Сайттың дербестендірілген интерфейсі.

  • Дербес деректер операторы - «Спортмастер Казахстан» ЖШС. Орналасқан жерінің мекенжайы: Z00T7K3, Астана қ., Байқоңыр ауданы, Амангелді Иманов көш., 19-ғимарат, 801-кеңсе.

  • Пайдаланушы - Сайттың сервистерін, Сайттың жекелеген функцияларын пайдаланатын жеке тұлға, автор немесе Материалдарды/Суреттерді пайдалануға айрықша авторлық, сабақтас және өзге де құқықтарды иеленуші тұлға (құқық иесі);

  • Материалдар - авторлық құқық объектілері, соның ішінде, бірақ олармен шектелмей, иллюстрациялар, суреттер, фотографиялық туындылар және фотографияға ұқсас тәсілдермен алынған, дәстүрлі де, электрондық та және басқа да тасымалдағыштарда бейнеленген және жаңғыртылған, Пайдаланушымен өзінің Instagram және/немесе Facebook және/немесе Вконтакте желі/желілеріндегі әлеуметтік аккаунтында #Demix және/немесе #Columbia және/немесе #Glissade және/немесе #Joss және/немесе #Nordway және/немесе #Outventure және/немесе #Skechers және/немесе #SkechersKazakhstan және/немесе #sportmaster және/немесе #stern және/немесе #Termit және/немесе #Torneo және/немесе #Демикс және/немесе #Коламбия және/немесе #Меррелл және/немесе #Скечерс және/немесе #спортмастер және/немесе #біргерахаттану және/немесе #штерн және/немесе #мен_спортмастерді_таңдаймын және/немесе #SportmasterForever хэштегімен орналастырған басқа да туындылар, оларға қатысты Пайдаланушы Шарттың талаптары бойынша пайдалану құқығын беру туралы Сұратым алған.

  • Суреттер - Қазақстан Республикасы Азаматтық кодексінің 145-бабы мағынасында түсінілетіндей, Пайдаланушы әлеуметтік желідегі/Instagram және/немесе Facebook және/немесе Вконтакте желілеріндегі аккаунтында #Demix және/немесе #Columbia және/немесе #Glissade және/немесе #Joss және/немесе #Nordway және/немесе #Outventure және/немесе #Skechers және/немесе #SkechersKazakhstan және/немесе #sportmaster және/немесе #stern және/немесе #Termit және/немесе #Torneo және/немесе #Демикс және/немесе #Коламбия және/немесе #Меррелл және/немесе #Скечерс және/немесе #спортмастер және/немесе #біргерахаттану және/немесе #штерн және/немесе #мен_спортмастерді_таңдаймын және/немесе #SportmasterForever хэштегімен орналастырылған адамдардың бейнелері (олардың фотосуреттері немесе олар бейнеленген бейнелеу өнері туындыларын қоса), оларға қатысты Пайдаланушы Келісімнің талаптары бойынша пайдалану құқығын беру туралы Сұратым алған.

  • Материалдарды пайдалану құқығы - «Спортмастер Казахстан» ЖШС-нің мынадай әрекеттерді жүзеге асыру құқығы: материалдарды немесе олардың кез келген бөлігін кез келген материалдық нысанда және кез келген тәсілмен, соның ішінде Интернет желісінде кез келген тасымалдағышта жария ету, жаңғырту, жалпыға бірдей назарға жеткізу, жария ету, қайта өңдеу, тарату.

  • Суреттерді пайдалану құқығы - «Спортмастер Казахстан» ЖШС-нің мынадай іс-әрекеттерді жүзеге асыру құқығы: кез келген материалдық нысанда және кез келген тәсілмен, соның ішінде Интернет желісінде кез келген тасымалдағышта суреттерді немесе олардың кез келген бөлігін жария ету, жаңғырту, жалпыға бірдей назарға жеткізу, көпшілікке көрсету, қайта өңдеу, тарату.

  • Сұратым – «Спортмастер Казахстан» ЖШС-нің Пайдаланушыға жіберілген Материалдарды/Суреттерді «Спортмастер Казахстан» ЖШС-нің (офертаға) келісім жасасу туралы ұсынысы болып табылатын материалға/бейнеге «Түсініктеме» жолына хабар арқылы жіберілген пайдалану құқығын беру туралы сұрау салуы.

  • Акцепт - Пайдаланушының келесі әрекеттерді орындауы: Сұратымға «Түсініктеме» жолына #YesSportmaster хэштегін қосу туралы Сұратымға жауап. Сұратымды акцепттеу арқылы Пайдаланушы Келісімнің шарттарымен қандай да бір шығарып тастаусыз және/немесе шектеулерсіз толық және сөзсіз келіседі және «Спортмастер Казахстан» ЖШС-іне Материалдарды/Суреттерді пайдалану құқығын береді. Материалдарды/Суреттерді пайдалану құқығы Пайдаланушы Акцепт бойынша әрекет жасаған сәттен бастап «Спортмастер Казахстан» ЖШС тарапынан берілген болып есептеледі.

  • МАҢЫЗДЫ! Тауарды Алматы қ., Сүйінбай даңғылы 2, «Мерей» СҮ орналасқан Дисконт дүкенінен Интернет-дүкен арқылы сатып алу мүмкін емес.

3. Материалдарды/Суреттерді пайдалану құқығы:

  1. Сайт арқылы қолжетімді барлық объект, соның ішінде дизайн элементтері, мәтіндер, графикалық суреттер, иллюстрациялар, видеолар, ЭЕМ бағдарламалары, деректер базалары және басқа да объектілер, сондай-ақ сервисте орналастырылған кез келген контент «Спортмастер Казахстан» ЖШС-ның, Пайдаланушылардың және басқа құқық иелерінің айрықша құқықтарының объектілері болып табылады. Контентті, сондай-ақ сервистің кез-келген басқа элементтерін тек сервис ұсынатын функционал аясында пайдалануға болады. Сервис мазмұнының ешбір элементтері, сондай-ақ сервисте орналастырылған кез келген контент құқық иесінің алдын ала рұқсатынсыз басқаша пайдаланыла алмайды. Пайдалану дегеніміз, соның ішінде: жаңғырту, көшіру, қайта өңдеу, кез келген негізде тарату, фреймде көрсету және т. б. Бұның ҚР заңнамасында тікелей қарастырылған жағдайларға қатысы жоқ.

  2. Пайдаланушының сервистер мазмұнының элементтерін, сондай-ақ жеке коммерциялық емес мақсатта кез келген контентті пайдалануына авторлық құқықты, сабақтас құқықтарды, тауар белгілерін қорғаудың барлық белгісі, авторлық туралы басқа да ескертулер сақталғанда, автордың аты (немесе бүркеншік аты)/құқық иесінің аты өзгеріссіз сақталғанда, сәйкес объект өзгеріссіз сақталған жағдайда рұқсат етіледі. Бұның ҚР заңнамасында тікелей қарастырылған жағдайларға қатысы жоқ.

  3. Пайдаланушыға авторлық құқық объектілері болып табылатын Сайт элементтерін тиісті авторлық құқық иелерінің рұқсатынсыз коммерциялық немесе коммерциялық емес мақсаттарда жаңғыртуға, таратуға, қайта өңдеуге тыйым салынады.

  4. Пайдаланушы Акцепт бойынша әрекет жасаған сәттен бастап Пайдаланушы «Спортмастер Казахстан» ЖШС-на әлемнің барлық елдерінің аумағында материалдар мен суреттерді айрықша құқықтың қолданылу мерзіміне пайдалану құқығын береді, сондай-ақ «Спортмастер Казахстан» ЖШС-на Сайттағы материалдарды және суреттерді жариялау және одан әрі пайдалану мақсатында, сондай-ақ тауарларға тұтынушылық сұранысты арттыру мақсатында, «Спортмастер Казахстан» ЖШС-не, өнім ассортиментіне әлеуетті сатып алушылардың қызығушылығын тарту мақсатында «Спортмастер Казахстан» ЖШС-на пайдалануға өзінің толық және сөзсіз келісімін білдіреді. Материалдар мен Суреттерді пайдалану тәсілі, соның ішінде, бірақ олармен шектелмей: кез келген материалдық нысанда жаңғырту, көпшілікке жеткізу, көпшілікке көрсету, қайта өңдеу, кез келген тасымалдағышта және кез келген тәсілмен, соның ішінде Интернет желісінде тарату немесе Материалдар мен Суреттерді толық немесе ішінара, соның ішінде анонимді түрде, яғни Пайдаланушыны, Авторлық құқық иесін, бейнеленген азаматты, осы тұлғалардың бүркеншік аттарын көрсетпей, кез келген басқа жолмен пайдалану болып табылады.

  5. Пайдаланушы «Спортмастер Казахстан» ЖШС-на Материалдарды пайдалану құқығына айрықша емес лицензияны және Суреттерді жариялауға және одан әрі пайдалану келісімін өтеусіз түрде береді.

  6. «Спортмастер Казахстан» ЖШС Материалдарды/Суреттерді пайдалану немесе пайдалануды тоқтату туралы шешімді өз бетінше қабылдауға құқылы, Пайдаланушы Акцептінен кейін кез келген уақытта Материалдарды/Суреттерді Сайтта жариялауға құқылы, сондай-ақ кез келген уақытта Материалдарды/Суреттерді пайдалануды тоқтатуға және оларды Сайттан жоюға құқылы. Сайтта Материалдарды/Суреттерді жариялауға байланысты барлық тәуекелді Пайдаланушы көтереді.

  7. «Спортмастер Казахстан» ЖШС Материалдарды/Суреттерді пайдалану немесе пайдалануды тоқтату туралы шешімді өз бетінше қабылдауға құқылы, Пайдаланушы Акцептінен кейін кез келген уақытта Материалдарды/Суреттерді Сайтта жариялауға құқылы, сондай-ақ кез келген уақытта Материалдарды/Суреттерді пайдалануды тоқтатуға және оларды Сайттан жоюға құқылы. Сайтта Материалдарды/Суреттерді жариялауға байланысты барлық тәуекелді Пайдаланушы көтереді.

  8. «Спортмастер Казахстан» ЖШС кез келген уақытта өз қалауы бойынша және себептерін түсіндірместен, алдын ала ескертусіз бұрын жарияланған Материалдар мен Суреттерді жоюға құқылы. Пайдаланушы осы Келісім бойынша «Спортмастер Казахстан» ЖШС-на беретін Материалдары мен Суреттері үшін жеке-дара жауап береді.

  9. Егер азаматтың Суреті ҚР қолданыстағы заңнамасын бұза отырып алынса немесе пайдаланылса, онда сол азамат, Пайдаланушы, Материалдар мен Суреттердің Құқық иесі осы суреттің жойылуын талап етуге құқылы. Пайдаланушы Материалдар мен Суреттердің Сайтқа кіре алатын шексіз көп адамның назарына, Сайтта жалпыға қолжетімді жерде орналастырылатынымен келіседі.

  10. Материалдар мен Суреттерді рұқсатсыз көшіру, Сайтта жарияланған Материалдар мен Суреттерді заңсыз пайдалану үшін жауапкершілік осы әрекетті жасаған тұлғаларға жүктеледі.

4. Пайдаланушының кепілдіктері мен жауапкершілігі:

  1. Осы Келісімнің талаптарын қабылдай отырып, Пайдаланушы Материалдардың авторы/Суреттердің құқық иесі болып табылатынын және/немесе тиісті авторлардан/құқық иелерінен «Спортмастер Казахстан» ЖШС-на Материалдарды/Суреттерді пайдалану құқығын беруге тиісті түрде уәкілеттік алғанын, Материалдардың авторларынан және фотосуреттерде бейнеленген адамдардан «Спортмастер Казахстан» ЖШС-на Материалдарды/Суреттерді пайдалану құқықтарын беруге барлық қажетті рұқсаттары барын, сондай-ақ Пайдаланушының Материалдарды/Суреттерді заңды пайдалануға кедергі келтіретін және/немесе мүмкін етпейтін үшінші тұлғалар (соның ішінде авторлардың/материалдардың басқа құқық иелерінің және/немесе онда бейнеленген адамдардың) алдында ешқандай міндеттемелері жоқ екендігін мәлімдейді және кепілдік береді.

  2. Пайдаланушы өзінің Материалдар мен Суреттердің тиісті авторлық құқық иесі екеніне немесе оның авторлық құқық иесінен және бейнеленген азаматтан суретті осы Келісімде көрсетілген тәсілдермен және шарттарға сәйкес жариялауға және пайдалануға рұқсат алғанына, бейнеленген адам қайтыс болған жағдайда авторлық құқық иесі оның балаларының, артында қалған жұбайының, ал олар болмаған жағдайда ата-анасының келісімімен жариялауға және пайдалануға рұқсат алғанына кепілдік береді.

  3. Пайдаланушы өзі мен Материалдарда бейнеленген азаматтың кәмелетке толғандығына кепілдік береді. Пайдаланушы беретін Материалдар мен Суреттер: Қазақстан Республикасының қолданыстағы заңнамасын және үшінші тұлғалардың заңмен қорғалатын мүдделерін бұзбауы; діни, нәсілдік немесе ұлтаралық алауыздықты қоздыруға ықпал етпеуі; әдепсіз немесе қорлайтын сипатта болмауы, мазмұнында зорлық-зомбылық көріністері, есірткі құралдарын жарнамалау болмауы, порнографиялық сипатта болмауы және кәмелетке толмағандардың құқықтарын бұзбауы; үшінші тұлғалардың авторлық және сабақтас құқықтарын бұзбауы; «Спортмастер Казахстан» ЖШС тауары болып табылмайтын тауарда тауар белгісінің айқын коммерциялық жарнамасы болмауы тиіс. Пайдаланушы сервистер мен Сайтты келесідей мақсатта пайдаланбауы тиіс:

    • желінің қалыпты жұмысының бұзылуына әкелетін әрекеттер жасау.

    • заңсыз, зиянды, қауіп төндіретін, құрамында вирустар немесе басқа

    • компьютерлік кодтар, кез келген компьютерлік немесе телекоммуникациялық жабдықтардың немесе бағдарламалардың функциялылығын бұзуға, жоюға немесе шектеуге, рұқсатсыз кіруге арналған файлдар немесе бағдарламалары бар материалдарды жүктеу;

    • адамгершілікті қорлайтын, жала жабатын, авторлық құқықты бұзатын, жеккөрушілікті насихаттайтын және/ немесе нәсілдік, этникалық, жыныстық жағынан адамдарды кемсітетін және/немесе оларға кез келген нысанда зиян келтіретін Фотоны жүктеу;

    • азшылықтың құқықтарына нұқсан келтіру;

    • ҚР қолданыстағы заңнамасын бұзуға алып келетін немесе алып келуі мүмкін порнографиялық және өзге сипаттағы материалдары бар фотосуреттерді жүктеу.

  4. Пайдаланушы Материалдарға/Суреттерге және олардың мазмұнына қатысты үшінші тұлғалардың наразылықтары бойынша келтірілген зиянды/залалды өтеуге өз бетімен жауап береді және «Спортмастер Казахстан» ЖШС-ны одан босатылған деп санайды. «Спортмастер Казахстан» ЖШС-не Материалдарға/Суреттерге және олардың мазмұнына қатысты кез келген үшінші тұлғалар тарапынан наразылықтар шыққан жағдайда, Пайдаланушы мұндай наразылықтарды және/немесе талап-арыздарды дербес және өз есебінен реттеуге не «Спортмастер Казахстан» ЖШС-не осындай наразылықтардан туындаған залалды толық көлемде өтеуге міндеттенеді.

  5. Пайдаланушы зияткерлік құқықтары бұзылған және/немесе ҚР АК 145-бабында көзделген құқық бұзылған үшінші тұлғаларға келтірілген залалды өтеуге бағытталған сомалар мөлшерінде «Спортмастер Казахстан» ЖШС мүліктік шығындарын өтеуге міндеттенеді, сондай-ақ сот істерін дайындауға, жүргізуге, соның ішінде өз саласында кәсіби қызметте жетекші орын алатын консультанттарды (адвокаттарды) тарту кезінде жұмсалған шығындарды, сондай-ақ Пайдаланушы сот шешімдерін орындауға бағытталған сомалардың мөлшерінде, тиісті шарттар бойынша санкциялар, тұрақсыздық айыбы мен айыппұлдар төлеуге бағытталған сомалар мөлшерінде жұмсалған шығындарды өтеуге міндеттенеді.

  6. Пайдаланушының Сайт материалдарын беруге, сатуға, жариялауға, орнын ауыстыруға, жаңғыртуға, түрлендіруге немесе қайта жасауға немесе оларды қандай да бір ұқсас жолмен ішінара да, толығымен де пайдалануға құқығы жоқ, бұған «Спортмастер Казахстан» ЖШС-ның аталған әрекеттерге жазбаша рұқсаты бар жағдайлар жатпайды.

  7. Пайдаланушы сервисті пайдалануға байланысты әрекеттері үшін үшінші тұлғалар алдында, соның ішінде мұндай әрекеттер үшінші тұлғалардың құқықтары мен заңды мүдделерін бұзуға әкелетін болса, сондай-ақ сервисті пайдалану кезінде заңнаманы сақтауына қатысты жеке жауапкершілік тартады.

  8. «Спортмастер Казахстан» ЖШС Сайтқа/Сервистерге қатысты өзінің зияткерлік құқықтарын қорғау үшін заңмен тыйым салынбаған шаралар қолдануға құқылы.

  9. Осы Келісім Пайдаланушының кепілдіктері мен жауапкершілігіне қатысты мерзімсіз қолданылады.

5. Пайдаланушыны тіркеу. Пайдаланушының есептік жазбасы:

  1. Нәтижесінде Пайдаланушы үшін бірегей есептік жазба жасалатын тіркелу үшін Пайдаланушы тіркеу нысанында берілген сұрақтар бойынша өзі туралы дәйекті және толық ақпарат беруге және осы ақпаратты жаңартып отыруға міндеттенеді. Егер Пайдаланушы дұрыс емес ақпарат берсе немесе «Спортмастер Казахстан» ЖШС-ның Пайдаланушы берген ақпарат толық емес немесе дұрыс емес деп санауға негізі бар болса, «Спортмастер Казахстан» ЖШС өз қалауы бойынша Пайдаланушының есептік жазбасын бұғаттауға немесе жоюға және Пайдаланушыға өз сервистерін (немесе олардың жеке функцияларын) пайдалануға беруден бас тартуға құқылы.

  2. Тіркеу кезінде көрсетілген деректер Пайдаланушыны сәйкестендіруге мүмкіндік бермеген жағдайда «Спортмастер Казахстан» ЖШС Пайдаланушыға есептік жазбаға кіру және Сайт сервистерін пайдалану құқығын беруден бас тартуға құқылы.

  3. Тіркелу кезінде Пайдаланушы есептік жазбаға кіру үшін логинді (Пайдаланушының есептік жазбасының бірегей таңбалық атауы) және құпиясөзді өз бетімен таңдайды. «Спортмастер Казахстан» ЖШС белгілі бір логиндерді пайдалануға тыйым салуға, сондай-ақ логин мен құпиясөзге (ұзындығы, рұқсат етілген таңбалар және т. б.) талаптар қоюға құқылы.

  4. Пайдаланушы есептік жазбаға кіру үшін өзі таңдаған құралдардың қауіпсіздігі (болжап табуға төзімділігі) үшін дербес жауап береді, сондай-ақ олардың құпиялылығын дербес қамтамасыз етеді. Пайдаланушы өзінің есептік жазбасына үшінші тұлғалардың кіруі үшін деректерін ерікті түрде беру жағдайларын қоса алғанда, Пайдаланушының есептік жазбасымен Сайт сервистерінің аясында немесе оларды пайдалану шеңберінде жасалған барлық іс-әрекет (сондай-ақ олардың салдары) үшін дербес жауап береді. Бұл ретте Пайдаланушының есептік жазбасымен Сайт сервистері шеңберінде немесе оларды пайдаланып жасаған барлық әрекеттер Пайдаланушының өзі жасаған болып есептеледі, бұған Пайдаланушы осы Келісімнің 5.5-тармағында көзделген тәртіпте «Спортмастер Казахстан» ЖШС-ын Пайдаланушының есептік жазбасын пайдалана отырып, Сайт сервистеріне рұқсатсыз кіру туралы және/немесе өзінің есептік жазбаға кіру құралдарының құпиялылығын кез келген бұзу (бұзушылық туралы күдік) туралы хабардар еткен жағдайлар кірмейді.

  5. Пайдаланушы өзінің есептік жазбасын пайдаланып, Сайт сервистеріне рұқсатсыз (Пайдаланушы рұқсат етпеген) қатынаудың кез келген жағдайы туралы және/немесе өзінің есептік жазбаға қатынау құралдарының құпиялылығын кез келген бұзушылық (бұзушылық туралы күдік) туралы «Спортмастер Казахстан» ЖШС-ны дереу хабардар етуге міндетті.

  6. «Спортмастер Казахстан» ЖШС себебін түсіндірместен Пайдаланушының есептік жазбасын бұғаттауға немесе жоюға, сондай-ақ қандай да бір есептік жазбаны пайдаланып, соның ішінде Пайдаланушы Пайдаланушылық келісімнің немесе ҚР қолданыстағы заңнамасының талаптарын бұзған жағдайда, сондай-ақ Сайтты, есептік жазбаны 24 айдан артық пайдаланбаған жағдайда Сайттың белгілі бір сервистеріне кіруге тыйым салуға құқылы.

  7. Пайдаланушы кез келген сәтте Сайттағы есептік жазбасын «Спортмастер Казахстан» ЖШС Клиенттерді қолдау қызметіне жүгіну арқылы жоюға немесе тиісті функциясы бар болғанда оның қолданылуын тоқтатуға құқылы.

  8. Есептік жазбаны жойған сәттен бастап Есептік жазбаны қалпына келтіру, сондай-ақ осы есептік жазбаны пайдаланып Сайт сервистеріне қатынау мүмкін болмайды, ал логин басқа пайдаланушыларға қолжетімді болады.

6. Пайдаланушылардың дербес ақпаратын жинау және өңдеу мақсаттары:

  1. «Спортмастер Казахстан» ЖШС тек Сервистерді ұсыну үшін және/немесе Пайдаланушының Сайттағы Интернет-дүкен каталогынан Тауарды сатып алуы үшін қажетті дербес ақпаратты ғана жинайды, өңдейді және сақтайды.

    2. "Спортмастер Қазақстан" ЖШС Пайдаланушысының дербес ақпаратын мынадай мақсаттарда пайдаланады:

    1. «Спортмастер Казахстан» ЖШС-мен шарттар аясында тарапты сәйкестендіру;

    2. Пайдаланушыдан төлемдерді алу және оларды өңдеу;

    3. тауарды Пайдаланушыға жеткізу;

    4. Пайдаланушыға тиімді клиенттік қолдау көрсету;

    5. Пайдаланушыға жекелендірілген Сервистерді ұсыну;

    6. Пайдаланушымен қарым-қатынас, соның ішінде Сервистерді пайдалануға, қызметтерді көрсетуге қатысты хабарламалар, сұраулар мен ақпаратты жіберу, сондай-ақ Пайдаланушы сұраулары мен өтінімдерін өңдеу;

    7. Сервистердің сапасын, оларды пайдалану ыңғайлылығын жақсарту, жаңа Сервистер мен қызметтерді әзірлеу;

    8. Пайдаланушыны «Спортмастер Казахстан» ЖШС өткізетін іс-шаралар мен акциялар туралы хабардар ету;

    9. иесіздендірілген деректер негізінде статистикалық және өзге де зерттеулер жүргізу;

    10. аптасына 1-2 рет жаңалық хабарларын жіберу.

  3. «Спортмастер Казахстан» ЖШС ақпарат алу тәсілінің ерекшелігіне байланысты Пайдаланушы ұсынған дербес ақпараттың дұрыстығын тексермейді және оның өзектілігіне бақылау жасамайды. Алайда, «Спортмастер Казахстан» ЖШС Пайдаланушының тіркеу нысанында берілген сұрақтар бойынша дәйекті және дербес ақпарат беретіндігіне, және сол ақпаратты жаңартып тұратындығына сүйенеді. Дұрыс емес немесе өзекті емес дербес ақпаратты берудің жауапкершілігін, сондай-ақ оның ықтималды салдарын Пайдаланушы көтереді.

7. Пайдаланушының дербес ақпаратын өңдеу және оны үшінші тұлғаларға беру шарттары:

  1. «Спортмастер Казахстан» ЖШС қолданыстағы нормативтік актілерге, сондай-ақ олардың негізінде жасалған ішкі регламенттерге сәйкес пайдаланушылардың дербес ақпаратын (аты, тегі, әкесінің аты, электрондық пошта адресі, жынысы, туған күні, пошталық мекенжайы, үй, жұмыс, мобилді телефон нөмірлері) алады, жинақтайды, сақтайды және өзге тәсілмен өңдейді.

  2. Пайдаланушының дербес ақпаратына қатысты, Пайдаланушы өзі туралы ақпаратты ерікті түрде шексіз адамдар тобына жалпыға қолжетімді ету жағдайларынан басқа, оның құпиялылығы сақталады.

  3. «Спортмастер Казахстан» ЖШС Пайдаланушының дербес ақпаратын осындай ақпаратты қорғауға қойылатын талаптарға сәйкес қорғайды және осындай ақпаратты қорғауда қауіпсіз әдістерді пайдалануы үшін жауапты болады.

  4. Пайдаланушының дербес ақпаратын қорғау, оны тиісінше пайдалануды қамтамасыз ету және оған рұқсатсыз және/немесе кездейсоқ қол жеткізуді болдырмау үшін «Спортмастер Казахстан» ЖШС қажетті және жеткілікті техникалық және әкімшілік шараларды қолданады. Пайдаланушы ұсынатын дербес ақпарат қорғалатын үй-жайларда орналасқан қолжетімділігі шектелген серверлерде сақталады.

    5. «Спортмастер Казахстан» ЖШС Пайдаланушының дербес ақпаратын (соның ішінде жазуды, жүйелеуді, жинақтауды, нақтылауды, сақтауды, шығарып алуды жүзеге асыратын, Пайдаланушыға арнайы ұсыныстарды, жаңа тауарлар мен жарнамалық акциялар туралы ақпаратты тікелей жіберуді жүзеге асыратын, менің сұрауларым мен өтініштерімді өңдеуді, сондай-ақ жек ақпаратты жоюды, соның ішінде дербес деректерді Ресей Федерациясына трансшекаралық беруді жүзеге асыратын ұйымдарға) үшінші тұлғаларға келесі жағдайларда беруге құқылы:

    1. Пайдаланушы сондай әрекеттерге өзінің толық келісімін анық білдіргенде, яғни Сайтта дербес ақпараты бар нысандарды толтыру кезінде «Пайдаланушылық келісімді қабылдаймын» құсбелгісін басып өткенде;

    2. Пайдаланушының белгілі бір Сервисті пайдалануы аясында не Пайдаланушыға қызмет көрсету, шарт бойынша міндеттемелерді орындау үшін қажет болғанда;

    3. Деректерді беру белгіленген рәсім шеңберінде қазақстандық, ресейлік немесе өзге де қолданылатын заңнамада көзделгенде;

  6. Пайдаланушылардың дербес деректерін өңдеу кезінде «Спортмастер Казахстан» ЖШС 2013 жылғы 21 мамырдағы № 94-V «Дербес деректер және оларды қорғау туралы» Қазақстан Республикасының Заңын басшылыққа алады.

8. Пайдаланушының дербес ақпаратты өзгертуі:

  1. Пайдаланушы кез келген сәтте жеке кеңістіктің жеке бөліміндегі дербес ақпаратты редакциялау функциясын қолдана отырып, өзі ұсынған дербес ақпаратты немесе оның бір бөлігін, сондай-ақ оның құпиялылық параметрлерін өзгерте (жаңарта, толықтыра) алады.

  2. Пайдаланушы кез келген уақытта «Спортмастер Казахстан» ЖШС клиенттерді қолдау қызметіне client@sportmaster.kz адресі бойынша немесе 8-800-080-3333 телефоны бойынша хабарласу арқылы дербес ақпаратының жойылуын талап етуге құқылы.

  3. Жаңалықтар жіберілімін алудан бас тарту үшін хаттың төменгі жағындағы тиісті сілтемені басыңыз.

  4. Тапсырысты ресімдеу – Sportmaster интернет-дүкенінде «тіркеусіз тапсырысты ресімдеу» тармағын таңдаған кезде, Пайдаланушы үшін ресімдеу кезінде енгізілген деректерді сақтай отырып, автоматты түрде есептік жазба жасалады. Деректер 24 сағат бойы сақталады және Пайдаланушы тарапынан белсендірілмеген жағдайда автоматты түрде жойылады. Сайтта тіркелуді белсендіру үшін тапсырысты ресімдегеннен кейін алынған хатта берілген сілтеме бойынша өту қажет.

9. Келісімді растау

  1. Әрбір Тарап екінші Тарапқа Келісім шарттарына сәйкес Келісімді жасасу және орындау үшін қажетті және жеткілікті құқық пен әрекет қабілеттілігіне, сондай-ақ барлық құқық пен өкілеттікке ие екендігіне кепілдік береді.

  2. Осы Келісім Пайдаланушы оның шарттарына келісімін білдірген сәттен бастап келесі тәртіпте күшіне енеді: Сервисті/оның жекелеген функцияларын пайдалана бастағанда Пайдаланушы Келісімнің шарттарын толық көлемде, ешқандай ескертпелер мен ерекшеліктерсіз қабылдаған болып саналады. Пайдаланушы Келісімнің қандай да бір шарттарымен келіспеген жағдайда, Пайдаланушы сервисті пайдалануға құқылы емес.

  3. Егер «Спортмастер Казахстан» ЖШС осы Келісімде қарастырылған тәртіпте Келісімге Пайдаланушы келіспейтін қандай да бір өзгерістер енгізген жағдайда, Пайдаланушы сервисті пайдалануды тоқтатуға міндетті.

  4. Жарнамалық жіберлім туралы чекбоксты белгілеу Пайдаланушының арнайы ұсыныстар туралы, жаңа тауарлар мен жарнамалық акциялар туралы электр байланысы желілері бойынша және пошта байланысы бойынша ақпарат алуға (соның ішінде SMS-жіберілімдер, e-mail-жіберілімдер, бірақ онымен шектелмей) және арнайы ұсыныстарды, жаңа тауарлар мен жарнамалық акциялар туралы ақпаратты жіберуді ұйымдастыру, менің сұрауларым мен өтініштерімді өңдеу мақсатында автоматтандыру құралдарын пайдалана отырып немесе ондай құралдарсыз, соның ішінде ақпараттық-телекоммуникациялық желілерде жүзеге асырылатын өзінің дербес деректерін жинау, жазу, жүйелеу, жинақтау, сақтау, нақтылау, алу, пайдалану арқылы өңдеуге толық келісімін білдіреді.

  5. Пайдаланушының осы Келісім шарттарымен, соның ішінде дербес ақпаратты өңдеу тәртібімен келісімі, Қазақстан Республикасының 2013 жылғы 21 мамырдағы «Дербес деректер және оларды қорғау туралы» Заңының, № 94-V ҚРЗ, 8-бабына сәйкес қайтарып алынбаса, 25 жыл күшінде болады.

  6. «Спортмастер Казахстан» ЖШС Сайттың тәулік бойы жұмыс істеуін қамтамасыз ету үшін коммерциялық негізделген түрде күш салады, алайда техникалық ақауларға, профилактикалық жұмыстарды жүргізумен байланысты үзілістердің болмауына кепілдік бермейді, сондай-ақ Сайттың/Сервистің жұмысқа толық немесе ішінара жарамдылығына кепілдік бермейді.

  7. Статистикалық деректерді жинау және Пайдаланушыны сәйкестендіру мақсатында «Спортмастер Казахстан» ЖШС Пайдаланушылардың қатынау IP-адрестері туралы ақпаратты анықтауға және сақтауға құқылы.

10. Құпиялылық туралы келісімді өзгерту:

Келісімді «Спортмастер Казахстан» ЖШС қандай да бір арнайы хабарламасыз өзгерте алады, егер Келісімнің жаңа редакциясында өзгеше қарастырылмаған болса, Келісімнің жаңа редакциясы Интернет желісінде орналастырылған кезден бастап күшіне енеді. Егер Келісімнің осындай өзгерістері күшіне енгеннен кейін Пайдаланушы Сайтпен жұмыс істеуін жалғастырса, онда Пайдаланушы өзгерістермен келісетінін растайды. Келісімнің қолданыстағы редакциясы әрдайым мына бетте орналасқан: sportmaster.kz/privacy/. Егер қандай да бір сәтте Пайдаланушы Келісімнің талаптарын әрі қарай орындай алмайтын болса, Пайдаланушы Сайтты/сервистерді пайдалануды дереу тоқтатуы керек.

11. Кері байланыс. Сұрақтар мен ұсыныстар:

Осы Келісімге қатысты барлық ұсыныстарды немесе сұрақтарды «Спортмастер Казахстан» ЖШС Клиенттерді қолдау қызметіне client@sportmaster.kz немесе Z00T7K3, Астана қ., Байқоңыр ауданы, Амангелді Иманов көш., 19-ғимарат, 801-кеңсе мекенжайына хабарлау қажет. Қолдау қызметінің жұмысы: Астана қ. уақыты бойынша сағат 9.00 – 21.00. Тапсырыстар Сайт арқылы тәулік бойы қабылданады.